>

«Даамдуунун баары оңой» – кээде бала кезден белгилүү рецепттерде жаңы даамдар жана кулинарияга болгон жаңы мамиле катылган. Болгону туура чыкты тандап кошуу керек.

Паста

Макарон азыктары дүйнө жүзүндө кеңири тараган жана көптөгөн тамактардын негизи болуп саналат. Италия, чыгыш азия жана вегетариандык ашканаларда кеңири пайдаланылат. Италия тилинде макарон жана айрым башка ун азыктары «паста» деп аталат. Пастанын үч категориясы болот: кургак (pasta asciutta) даярдагандан кийин кургатылат жана көпкө сакталышы мүмкүн, жаңы (pasta fresco) даярдагандан кийин дароо бышырылат, ушундан улам назик даамга ээ болот, толук паста (pasta piena) — өзөгү бар паста, анда чийки ингедиенттер пайдаланылбайт. Пастаны даярдоонун негизги ыкмасы сууда бышыруу болуп саналат. Сунушталган пропорциялар төмөндөгүдөй: 100 грамм пастага – 10 грамм туз жана 1 литр суу. Пастага карата чыктар пастанын өзүндөй эле ар түрдүү, бирок жөнөкөй эреже бар: паста канчалык жоон жана кыска болсо, ага ошончолук коюу чык берилет. Бирок пастанын каалаган түрүнө зайтун майы, томат чыгы жана сүрбыштак ылайык келет.

Жалпак паста

феттучини

паппарделле

тальятелле

туурасы 5 мм тартып 3 см чейин. Өзүнүн түзүмүнүн аркасында коюу чыктарды жакшы кармайт. Жалпак паста эттин бардык түрлөрү жана дагы деликатес болгон коен эти менен дагы шайкеш келет. Коюу томат чыгы менен мыкты айкалышат.

Толтурулган паста

каннеллони

паккери

маникотти

ньокки

тортеллини

равиоли

толтурулган паста формасы боюнча жарым ай, сүйрү, квадрат, шакек же бутон түрүндө болот. Бирок бул пастада башкысы – өзөгү. Ал үчүн эт фаршын же сүрбыштакты пайдаланган жакшы. Каннеллони жана маникотти пасталарына, эреже болгондой, томат чыгы куюлат жана бышырылат. Ньокки, тортеллини, равиоли пасталарында өзөктү негизинен сүрбыштак жана жашылчалар түзөт. Каймак чыгы менен берилет. Пастаны даярдоодогу негизги эреже – өзөктүн даамын чыктар жана татымалдар менен жок кылууга болбойт.

Кыска паста

конкильони

кампанелле

пенне

ригатони

диталини

орекьетте

Бул категорияга узундугу 3-5 см болгон пасталар кирет. Анын бетинде кобулдар бар, анын аркасында чык жакшы сиңирилет. Ошондуктан кыска пастага бардык түрдөгү чыктар, анын ичинде жеңил чыктар ылайык келет. Өзүнчө тамактан тышкары салаттарда, запеканкаларда жана шорполордо колдонууга болот.

Ийри-буйру паста

фузилли

радиатори

ротини

Оролгон спираль, шопор жана ийик түрүндөгү макарон азыктарын түшүндүрөт. Узундугу 2,5 смдан тартып 5 смга чейин болот. Салаттарда пайдаланылат, ал эми коюу шире менен – өз алдынча тамак катары берилет. Радиатори, фузилли, ротини пасталары жашылча жана каймак чыктары менен даамдуу болот.

Фигуралуу паста

Ар кандай түрү бар: алфавит, бантик, фарфалле (көпөлөк), жылдызча орзо (күрүч даны сыяктуу), перлини (кичинекей ракушка), лумакони (чоң улитка), ротелле (октору менен дөңгөлөк). Мындай пстаны майда шорполук паста деп аташат. Ошондой эле аны демдеп бышырышат жана салаттарда пайдаланышат. Лумакони, фарфалле пасталарын томат чыгы жана жашылчалар менен өз алдынча тамак катары даярдашат.

Узун паста

спагетти

капеллини

узун фузилли

лингвини

мафалде (манфреди)

лазанья

Тегерек формага жана 15 смдан тартып 30 смга чейинки узундукка ээ. Спагетти сарымсак куурулган чык зайтун майы менен өзгөчө даамдуу. Капеллини ысык түрдө гана берилет же шорпого кошулма катары пайдаланылат. Көк чөп кошулган каймак чыгы менен шайкеш келет. Лингвини – ичке жана жука паста, ысык түрдө дагы, муздак түрдө дагы коюу чык менен даамы чыгат. Четтери текши эмес жалпак тик бурчтуу кесме – мафалде – деңиз азыктары менен мыкты жупту түзөт. Лазанья — квадрат же тик бурчтуу формадагы кенен жана узун паста. Аны өзөк менен кезектештирип, формага кат кылып салышат. Андан кийин бешамель же болоньез чыгын куюп, сүрбыштак сээп, бышырышат.Өзөк катары көбүнчө эт фаршы колдонулат.